Rannsóknarfarinu Maven skotið á loft

 Rannsóknarfarinu Maven var skotið út í geiminn áleiðis til plánetunnar Mars í gær. Farinu er ætlað að svipta hulunni af leyndardóminum á bak við loftslagsbreytingar plánetunnar.

Áætlað er að Maven lendi á Mars næsta haust eftir að hafa ferðast yfir sjö hundruð milljón kílómetra. Vísindamenn vilja komast að því hvers vegna loftslagið á Mars fór úr því að vera hlýtt og rakt fyrstu eitt þúsund milljón árin, yfir í það að vera kalt og þurrt eins og það er í dag.

„Við viljum vita hvað gerðist,“ sagði Michael Meyer, vísindamaður hjá bandarísku geimferðastofnuninni, NASA. Rannsóknarfarið verður á sporbaug um Mars og mun eyða einu ári í að rannsaka lofthjúpinn eftir að það nær áfangastað 22. september á næsta ári.

Þetta er í 21. sinn sem NASA sendir rannsóknarfar á Mars síðan ferðirnar hófust á sjöunda áratugnum. Þetta er aftur á móti fyrsta farið sem er eingöngu sent til að rannsaka loftslagið á plánetunni.