Obama viss í sinni sök

Barack Obama, forseti Bandaríkjanna, segir Bandaríkjastjórn hafa komist að þeirri niðurstöðu að stjórnvöld í Sýrlandi hafi staðið á bak við efnavopnaárás sem gerð var í úthverfi Damaskus á miðvikudag fyrir viku.

Hann telur beitingu efnavopna varða hagsmuni bandarísku þjóðarinnar en í samtali við PBS segist hann ekki enn hafa tekið ákvörðun um það hvers eðlis hernaðarleg íhlutun Bandaríkjamanna verði.

Sérfræðingar í efnavopnum og málefnum Miðausturlanda segja mögulegt að árásir Bandaríkjanna og bandamanna þeirra á skotmörk í Sýrlandi gætu haft alvarlegar afleiðingar og jafnvel gert ástandið í landinu verra.