Ógeðfelld matvælaframleiðsla vekur sterk viðbrögð

Sex mínútna stuttmynd sem sýnir ferlið frá því þegar dýrum er slátrað í stórum kjötvinnslum og þangað til matvælin eru komin í verslanir fer nú sem eldur í sinu um netheima.

Stuttmyndin hefur vakið sterk viðbrögð vegna þeirra ömurlegu aðstæðna sem dýrin sem í henni eru sýnd lifa við. Eftir því sem líður á myndina er matvælaframleiðslan síðan sett í samhengi við nútíma neysluhætti og versnandi heilsufar jarðarbúa.

Stuttmyndin er hluti af heimildarmyndinni Samsara frá árinu 2011. Heimildarmyndin samanstendur af fjölmörgum einstökum atriðum, sem tekin voru í 25 löndum, og sýna allt frá merkilegustu náttúruundrum heims til iðnaðarframleiðslu matvæla.

Umrædda stuttmynd má sjá hér að neðan.