610 kílóa maður fluttur af heimili sínu með lyftara

610 kílóa sádiarabískur karlmaður var fluttur af heimili sínu með lyftara að fyrirskipun Abdullah konungs í gær.

Flogið var með manninn, hinn tvítuga Khalid Mohsin Shaeri, til borgarinnar Jazan í suðvesturhlusta Sádi-Arabíu þar sem hann var lagður inn á spítala. Hann hefur ekki getað yfirgefið svefnherbergi sitt í tvö og hálft ár og mun honum nú verða veitt aðstoð við að reyna að létta sig.

Bíða þurfti með flutningana í hálft ár þar til sérsmíðað sjúkrarúm fyrir manninn hafði borist frá Bandaríkjunum, en allur sjúkrakostnaður mannsins verður greiddur af konungnum „af mannúðarástæðum“ að sögn Dr. Abdullah al Rabeeah, heilbrigðisráðherra landsins.