740 kílómetra langt gljúfur uppgötvað undir Grænlandsjökli

Breskir og bandarískir vísindamenn hafa uppgötvað um 740 kílómetra langt gljúfur undir íshellu Grænlands.

Gljúfrið er sagt vera um 800 metrar þar sem það er dýpst, tíu kílómetra breitt, og nær það frá miðju Grænlandi að norðurströndinni. Gerir þetta gljúfrið að því lengsta á jörðinni, og til samanburðar er hið mikilfenglega Miklagljúfur um 450 kílómetrar að lengd.

Talið er að gljúfrið sé gamall árfarvegur frá því áður en íshellan myndaðist, en hún nær allt að þremur kílómetrum að þykkt. Þá er einnig talið að gljúfrið gegni mikilvægu hlutverki í að flytja vatn sem bráðnar undir jöklinum til hafs.

„Maður myndi ætla að landslag jarðarinnar hefði verið kannað og kortlagt að fullu,“ segir Jonathan Bamber, einn af forsvarsmönnum rannsóknarinnar. „Niðurstöður rannsóknar okkar sýnir að enn er nóg eftir að uppgötva.“