Yosemite-þjóðgarður í ljósum logum

Eldar brenna á yfir tvö hundruð ferkílómetra svæði í Kaliforníu. Eldarnir hafa orðið til þess að þúsundir hafa þurft að flýja heimili sín.

Reykurinn hefur einnig borist til Nevada-fylkis þar sem fólk hefur verið hvatt af yfirvöldum að halda sig innandyra. 

Eldarnir hafa nú tengt anga sína til norðurhluta Yosemite þjóðgarðarins, sem er einn vinsælasti áfangastaður ferðamanna í Bandaríkjunum, 

Þá hafa yfirvöld í Kaliforníu lýst yfir neyðarástandi vegna eldanna sem geysa. Eldarnir eru taldir hafa áhrif á rafmagns- og vatnsbirgðir hluta Kaliforníu, þá sérstaklega San Fransiskó-borgar, en þar búa um það bil milljón manns og drykkjarvatn borgarbúanna kemur mest allt frá norðvesturhluta Yosemite.

Allt tiltækt lið hefur verið kallað á staðinn til þess að reyna að ráða niðurlögum eldsins, en hafa ekki haft árangur sem erfiði hingað til.