Tvítugar í gæsluvarðhaldi grunaðar um kókaínsmygl

Tvær breskar konur sitja nú í gæsluvarðhaldi í Perú eftir tollverðir fundu 12 kíló af kókaíni í farangri þeirra.

Konurnar, Michaella McCollum og Melissa Reid sem eru báðar tvítugar, voru handteknar fyrr í mánuðinum á alþjóðaflugvellinum í Lima með fíkniefnið.

Þær mættu í fyrsta skiptið fyrir dómara í dag þar sem þær sögðust hafa verið hótað lífláti ef þær flyttu ekki efnin með sér í gegnum flugvöllinn. Dómarinn spurði þá afhverju þær gáfu sig ekki fram á flugvellinum þegar þær höfðu tækifæri til þess.

Þær sögðust hafa óttast um líf sitt þar sem ónafngreindir glæpamenn fylgdust með þeim. Saksóknarinn í málinu sagði frásögn stúlknanna vera ruglingsleg.

Fréttamaður Sky News fréttastöðvarinnar, sem var í dómsalnum í dag, segir að vinkonurnar hafi verið áhyggjurfullar og þreyttar. Þær hafi verið í handjárnum og liðið augljóslega mjög illa.

„Þær eru báðar búnir að léttast - þeir hafa verið í fimmtán daga í lokuðum fangaklefa,“ segir hann.

Stúlkunum var gerð grein fyrir því að réttarhöldin gætu ekki hafist fyrr en að minnsta kosti eftir þrjú ár - haldi þær sig við sína málsvörn og játi ekki sök.

Verði þær fundnar sekar eiga þær yfir höfði sér 15 ára fangelsi.