Móðir Baby P fékk ekki nýtt auðkenni

Móðir Peter Connelly, sem varð þekktur sem Baby P eftir dauða sinn, er laus úr fangelsi. Tracey óskaði eftir því þegar hún var látin laus úr fangelsinu að hún fengi nýtt auðkenni og sólarhrings lögregluvernd. Það var ekki orðið við þeim óskum hennar. Daily Mail segir frá.

Hún fékk hins vegar nýtt nafn og heimili fjarri þeim stað þar sem hún bjó ásamt syni sínum. Það er talið að hún hafi verið dulbúin sem feit kona og henni hafi verið ekið á brott úr fangelsinu í hjólastól svo hún myndi ekki þekkjast.

Tracey Connelly var dæmd í fimm ára fangelsi hið minnsta í maí 2009 fyrir að valda dauða sonar síns sumarið 2007. Peter litli var 17 mánaða þegar hann lést eftir hrottalegar misþyrmingar af hálfu móður sinnar, stjúpföður og frænda.

„Bapy P-málið“ vakti mikla reiði í Bretlandi, en bresk barnaverndaryfirvöld brugðust litla drengnum algjörlega. Þau fengu yfir 60 tilkynningar tilkynningar um að foreldrar barnsins vanræktu hann alvarlega. Þrátt fyrir það var drengurinn ekki tekinn af þeim.

Lítið hefur frést af Tracey síðan hún var látin laus en nýlega fréttist af henni í verslunarferð. Sjónarvottur sem þekkti Tracey strax sagði hana hafa gengið umbúðina í mestu makindum og hún hefði virst njóta sín. Hins vegar hefði hún ekki vakið neina sérstaka athygli í búðinni og svo virtist sem aðrir viðskiptavinir  áttuðu sig ekki á því einn alræmdasti glæpamaður Bretlands væri staddur í búðinni.