Innlent

Fyrsta sinn sem maður fellur fyrir skoti íslenskrar lögreglu

Samúel Karl Ólason skrifar
Maður lést eftir átök við lögregluna í blokkaríbúð í Hraunbæ í morgun. Það hefur aldrei gerst áður á Íslandi að maður falli fyrir skoti í átökum við lögregluna.



Á blaðamannafundi lögreglunnar rétt áðan kom fram að lögreglumenn réðust tvisvar inn í íbúð mannsins. Í bæði skiptin skaut hann að þeim og hæfði einn lögreglumann í hvort skipti. Í seinni innrásinni skutu lögreglumenn á hann til að yfirbuga hann. Maðurinn var fluttur á bráðamóttöku og var úrskurðaður látinn.



Lögreglan notar 9 millimetra skotvopn, skammbyssur og hríðskotabyssur. Vopnin sem notuð voru í morgun voru tekin til hliðar vegna rannsóknar ríkissaksóknara, en allir sérsveitarmenn eru enn við störf og hafa fengið ný vopn.

Skothylki lágu á víð og dreif á vettvangi.

Tengd skjöl



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.