Líklegast að gervihnötturinn hafi brunnið upp til agna

Gervihnötturinn Goce frá Evrópsku geimferðastofnuninni féll til jarðar í nótt og brann upp til agna, að því er talið er. Þetta er í fyrsta sinn í 25 ár sem gerfihnöttur frá stofnuninni fellur stjórnlaus til jarðar en þessi var svo lágt á lofti að hann þurfti að beita rafknúnum hreyfli til þess að halda sér á sporbaugi.

Þegar eldnseytisforðinn kláraðist tók þyngdaraflið völdin. Vísindamenn kanna nú möguleikann á því hvort hlutar úr hnettinum gætu hafa fallið alla leið til jarðar án þess að brenna upp og ef svo er ættu þeir að hafa lent í Austur-Asíu eða í vesturhluta Kyrrahafsins.