Wenger: Við þurfum að standast prófið í nóvember

Arsene Wenger, knattspyrnustjóri Arsenal, telur að nóvember mánuður eigi eftir að skera út um hvort liðið munu eiga möguleika á Englandsmeistaratitlinum en Arsenal hefur ekki unnið titil í átta ár.

Arsenal er núna í efsta sæti deildarinnar, fimm stigum á undan næsta liði Liverpool en Arsenal vann Liverpool 2-0 á laugardaginn í ensku úrvalsdeildinni í knattspyrnu.

Arsenal mun fara í útileiki gegn Man. Utd og Cardiff í næstu umferðum í deildinni og telur stjórinn að þeir leikir verða gríðarlega mikilvægir fyrir liðið upp á framhaldið að gera. Arsenal tapaði fyrsta leiknum í deildinni á tímabilinu gegn Aston Villa og var útlitið þá svart.

„Ef ég hefði sagt eftir Villa leikinn að þetta yrði staðan í dag, hefði ég þurft að hlaupa í burtu frá stuðningsmönnum Arsenal, þeir hefði drepið mig,“ sagði Wenger léttur í viðtali við vefsíðu félagsins.

„Þetta sýnir manni að hlutirnir geta breyst fljótlega og því verðum við einnig að vera vel á varðbergi um framhaldið. Leikmenn liðsins þurfa að vera einbeittir.“

„Núna er fjórðungi af tímabilinu er lokið. Undir lok nóvember mánaðar verður myndin á deildinni orðin enn skýrari.“

Arsenal mætir Borussia Dortmund í Meistaradeild Evrópu á miðvikudaginn.