Átta ára telpa skotin til bana

Þrír voru myrtir, þar á meðal átta ára gömul telpa, þegar byssumenn á mótorhjólum skutu á hóp brúðkaupsgesta fyrir utan kirkju í Kaíró í gærkvöldi. Að minnsta kosti tíu liggja sárir eftir en ekki er ljóst hverjir stóðu að ódæðinu.

Fólkið sem skotið var á tilheyrir koptísku kirkjunni í Egyptalandi, sem er fjölmennur minnihlutahópur í landinu og telur um tíu milljónir meðlima.

Íslamistar hafa hótað koptum undanfarið og ráðist að þeim þar sem þeir telja þá styðja aðgerðir hersins sem í sumar steypti réttkjörnum forseta landsins, Muhamed Morsi, af stóli.