Kennarinn reyndi að tala drenginn til

Kennari í grunnskóla í Nevada í Bandaríkjunum var skotinn til bana í gær þegar nemandi hóf þar skothríð fyrirvaralaust. Tveir nemendur eru í lífshættu eftir að hafa orðið fyrir skoti. Nemandinn virðist hafa komist yfir byssuna hjá foreldrum sínum og áður en yfir lauk beindi hann henni að sjálfum sér og framdi sjálfsmorð.

Lítið er vitað um ástæður árásarinnar en heimildir CNN herma að drengurinn hafi verið lagður í einelti í skólanum. Svo virðist sem kennarinn sem var myrtur hafi verið að reyna að tala drenginn ofanaf fyrirætlunum sínum, án árangurs.