Telja að Maria litla gæti verið dóttir þeirra

Bandarískt hjón hafa sagt frá því að þau hafa haft samband við lögregluyfirvöld í Grikklandi þar sem þau telja að Maria litla, sem var tekin af rómafólki um helgina, gæti verið dóttir þeirra. Daily Mail segir frá.

Dóttir hjónanna, Jeremy Irwin og Deborah Bradley, heitir Lisa og hún hvarf frá heimili þeirra í Kansas City, í október árið 2011.

Átta af þeim tilkynningum sem grísku lögreglunni hafa borist vegna Mariu eru talin líklegust til þess að geta reynst réttar og tilkynning þeirra hjóna er þar á meðal.

Lögmaður hjónanna staðfestir þetta en segir að þau athugi alltaf þegar stúlkubarn á Lisu reki finnst, hvort að það geti verið Lisa litla.

„Við könnum allar vísbendingar,“ segir lögmaðurinn. Lisa var aðeins 11 mánaða þegar hún hvarf og ætti þriggja ára afmæli í nóvember næstkomandi.

Hann segir að augun á Mariu litlu minni á augun á Lisu. Maria er þó sögð vera um fjögurra ára gömul en enginn aldur hefur þó verið staðfestur.

Það er talið að einhver hafi tekið Lisu litlu þar sem hún lá sofandi í sama herbergi og móðir hennar sem steinsvaf eftir að hafa drukkið mikið magn áfengis.

Vitni segjast hafa séð mann, labba með lítið barn á bleyjunni rétt við heimili hennar um svipað leyti og stúlkan hvarf.