Myndaði baráttu eiginkonunnar við brjóstakrabbamein

Fimm mánuðum eftir að ljósmyndarinn Angelo Merendino giftist eiginkonu sinni, Jennifer, í Central Park var hún greind með brjóstakrabbamein.

Barátta Jennifer við krabbameinið var löng og ströng en Angelo stóð þétt við bak konu sinnar. Allt frá því Jennifer greindist með krabbameinið og til hennar síðasta dags, myndaði hann konu sína og baráttu hennar.

Krabbameinið hafði á endanum betur en eftir andlát Jennifer stofnaði Angelo sjóðinn The Love You Share í minningu eiginkonu sinnar og tilgangur sjóðsins að styðja fjárhagslega við bakið á konum í brjóstakrabbameinsmeðferð. 

Á heimasíðu Angelo má finna upplýsingar um sjóðinn.

Fleiri myndir af baráttunni má sjá hér.