Syngur „No Woman, No Drive“ í mótmælaskyni

Sádiarabíski grínistinn Hisham Fageeh hefur sent frá sér tónlistarmyndband við nýtt lag sem hann kallar No Woman, No Drive. Lagið er hans túlkun á gamla Bob Marley-slagaranum No Woman, No Cry en textanum hefur hann breytt í háðsádeilu á löggjöf í heimalandi sínu sem bannar konum að keyra.

Konur í Sádi-Arabíu efndu til mótmæla um helgina í von um að hnika stjórnvöldum en íhaldssamir klerkar þar í landi hafa fordæmt athæfið og hafa sumir jafnvel hvatt fólk til að áreita þær konur sem óhlýðnast banninu.

Í frétt Washington Post segir að myndbandið sé þörf áminning um það að sumir karlmenn í Sádi-Arabíu styðji við kvenréttindi með beinum hætti.