Átta látnir í storminum í Evrópu

Átta manns eru látnir í storminum sem hefur geisað í Vestur-Evrópu í dag. Fjórir hinna látnu voru búsettir á Bretlandseyjum. Samgöngur hafa víða legið niðri vegna stormsins.

Tveir létust í Gelsenkirchen í Þýskalandi eftir að tré féll á bíl. Tvö börn slösuðust einnig. Í Brittany, Frakklandi er kona talin af eftir að hún fauk út í sjó og hefur ekkert spurst til hennar síðan. Kona lést í Amsterdam eftir tré féll hana.

Mikill fjöldi fólks hefur slasast í óveðrinu. Vind er að lægja og þá verður hægt að meta betur þær skemmdir sem hafa orðið víða í Evrópu. Stomurinn er einn sá vesti á Bretlandseyjum í aldarfjórðung.