Erlent

Ofurhugi lést þegar fallhlífin opnaðist ekki

Fanney Birna Jónsdóttir skrifar
Stökkvararnir setja sig í mikla hættu.
Stökkvararnir setja sig í mikla hættu.

Ungverskur ofurhugi hefur fundist látinn, daginn eftir að hann lét sig flakka í vængbúningi niður af fjalli í dal í Kína við æfingar fyrir heimsmeistaramót.

Björgunarmenn fundu manninn með brotna höfuðkúpu við fjallsrætur og telja að hann hafi skollið á fjallinu eftir að fallhlíf mannsins opnaðist ekki.

Stökk í vængbúningum er virkilega hættuleg íþrótt þar sem stökkvararnir svífa gegnum loftið í sérútbúnum búningum. Eins og í fallhlífastökki endar stökkið með því að fallhlíf er sleppt sem hægir á fallinu og gerir stökkvaranum kleift að lenda.

Þrír aðrir stökkvarar náðu að ljúka sínum stökkum á sama tíma en um 200 slökkviliðs- og lögreglumenn tóku þátt í leitinni.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.