Sjónvarpskona rekin fyrir óásættanlegan kjól

Sjónvarpskonan Gözde Kansu frá Tyrklandi missti vinnuna fyrir skömmu eftir að hafa klæðst kjól sem að mati forráðamanna sjónvarpsstöðvarinnar þótti óásættanlegur.

Kansu var í beinni útsendingu þegar hún klæddist kjólnum umrædda. Hún var í kjölfarið látin hætta í þættinum eftir að stjórnendur sjónvarpsstöðvarinnar gripu inn í.

Framleiðendur þáttanna sögðu að hún tæki ekki frekari þátt í þættinum vegna þess hversu upptekin hún væri á næstu misserum.

Hér að neðan má sjá myndband úr þættinum þar sem Kansu klæddist kjólnum óásættanlega.