Fimm ríki kosin í öryggisráðið

Á allsherjarþingi Sameinuðu þjóðanna verður í dag atkvæðagreiðsla um það, hvaða fimm ríki taka sæti í öryggisráðinu.

Lítill vafi leikur á því að fyrir valinu verða Litháen, Nígería, Sádi-Arabía, Síle og Tsjad, enda ekki önnur ríki í framboði. Þau koma í staðinn fyrir Aserbaídjan, Gvatemala, Marokkó, Pakistan og Togo, sem setið hafa í ráðinu í tvö ár.

Í öryggisráði Sameinuðu þjóðanna sitja fimmtán ríki, þar af fimm fastaríki með neitunarvald og tíu sem kosin eru til tveggja ára í senn. Fastaríkin fimm eru Bandaríkin, Bretland, Frakkland, Kína og Rússland.