Gróðureldar geisa í Ástralíu
Gróðureldar brenna nú á nærri hundrað stöðum í Ástralíum, og tugir þeirra eru það erfiðir viðfangs að slökkvilið hefur ekki neitt við ráðið.
Tugir húsa hafa eyðilagst í eldunum á síðustu dögum. Hundruð manna hafa þurft að forða sér af heimilum sínum og að minnsta kosti eitt mannslíf hefur tapast.
Eldarnir geisa í Nýja-Suður-Wales, sem er fjölmennasta fylki Ástralíu. Á þeim svæðum, sem verst hafa orðið úti, hefur skólum verið lokað og vegir eru einnig lokaðir.
Miklir þurrkar hafa verið á þessum slóðum undanfarið en heldur er að draga úr hitanum, sem lofar góðu fyrir slökkvistarfið.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
