Innlent

Framkvæmdum við Hús íslenskra fræða hætt

Jóhanna Margrét Einarsdóttir og Nanna Elísa Jakobsdóttir skrifa
Framkvæmdir voru hafnar við Hús íslenskra fræða.
Framkvæmdir voru hafnar við Hús íslenskra fræða. Mynd/Daníel

Framkvæmdum við Hús íslenskra fræða á háskólalóðinni verður hætt á næsta ári.  Í fjárlagafrumvarpinu er lagt til að tímabundin fjárheimild, 800 milljónir króna falli niður.

Bygging hússins er hluti af fjárfestingaáætlun fyrir Ísland 2013 til 2015. Í frumvarpinu segir að áætlanir um tekjur sem fjármagna áttu áætlunina, sérstakt veiðigjald á auðlindaarð sjávarútvegsins, söluhagnaður og eignasala hafi ekki reynst byggðar á nægjanlega traustum grunni.  

Ástráður Eysteinsson, forseti Hugvísindasviðs Háskóla Íslands, bjóst ekki við því að Hús íslenskra fræða yrði slegið út af borðinu. 

„Þetta eru gríðarleg vonbrigði fyrir okkur,“ segir Ástráður. Bygging hússins var samvinnuverkefni á milli Háskóla Íslands og stofnunar Árna Magnússonar, en það er íslenska ríkið sem fjármagnar hana. „Þetta er að öllu leyti mjög bagalegt. Það er mikið samstarf á milli stofnunar Árna Magnússonar og hugvísindasviðs. Þetta átti að efla það samstarf sem að hefði horfið til framtíðar hvað íslensk fræði varðar og betri aðstöðu fyrir handritasafnið. Bæði er varðar aðgang að því og miðlun.“ Ástráður segir Háskóla Íslands eiga í vandræðum með kennsluhúsnæði og átti Hús íslenskra fræða að sameina íslenskukennslu á einum stað.

Framkvæmdir hófust á árinu og er nú stærðarinnar hola í jörðinni fyrir framan Þjóðarbókhlöðuna. 

„Hún þarf þá líklega að vera svona. Eða ég veit ekki hvað á að gera,“ segir Ástráður. „Ég bjóst ekki við þessari niðurstöðu.“


Tengdar fréttir

Landspítalinn fær enga innspýtingu - fé til tækjakaupa skorið niður

Tímabundið 600 milljóna króna framlag til spítalans vegna tækjakaupa er fellt niður. Hagræðingarkrafa á spítalann felur í sér hækkun á sértekjum sem verður náð með nýju legugjaldi. Um er að ræða nýtt gjald þar sem sjúklingar greiða 1.200 krónur fyrir hvern sólarhring sem þeir dvelja á Landspítalanum. Með þessu nýja gjaldi er spítalanum reiknaðar um 200 milljónir í sértekjur.

Mikilvægt að stöðva skuldasöfnun ríkissjóðs

Bjarni Benediktsson fjármálaráðherra segir gríðarlega mikilvægt að stefna að hallalausum fjárlögum til að stöðva skuldasöfnun ríkissjóðs. Bankaskatturinn verður notaður til að lækka skatta á fyrirtæki og heimili.

Stefna á hallalaus fjárlög

Gert er ráð fyrir því að ríkissjóður skili tæplega 500 milljón króna afgangi á næsta ári miðað við fjárlagafrumvarp ríkisstjórnarinnar sem var kynnt í morgun. Þetta eru fyrstu hallalausu fjárlögin frá hruni.

Barna- og vaxtabætur lækka

Samkvæmt fjárlagafrumvarpinu er áætlað að barnabætur á næsta ári verði 10.2 milljarðar króna en á í fjárlögum þessa árs voru þær tæpir 10.8 milljarðar króna.

Tóbak og áfengi hækka í verði

Tóbaksgjald og gjald á áfengi verður hækkað, samkvæmt lagabreytingu sem verður lögð fyrir Alþingi í næstu viku.

Heilbrigðisstofnanir á landsbyggðinni sameinaðar

Kristján Már Júlíusson heilbrigðisráðherra hefur ákveðið að heilbrigðisstofnanir á landsbyggðinni verði sameinaðar. Þetta kemur fram í frumvarpi til fjárlaga fyrir árið 2014. Eftir sameiningu stofnana verður ein stofnun í hverju heilbrigðisumdæmi, eins og lög um heilbrigðisþjónustu gera ráð fyrir. Þetta á við um Norðurland, Suðurland og Vestfirði.

Milljónir í eflingu löggæslu

Gert er ráð fyrir 500 milljón króna viðvarandi framlagi til að efla löggæsluna í landinu. Á sama tíma er gert ráð fyrir að 200 milljón króna framlag sem veitt var tímabundið til löggæslumála í fjárlögum 2013 verði fellt niður.

Tekjuskattur lækkar

Skatthlutfallið í miðþrepi tekjuskatts verður lækkað um 0,8 prósentustig samkvæmt fjárlagafrumvarpi ríkisstjórnarinnar. Skatthlutfallið lækkar úr 25,8% í 25%.

Skólagjöld hækka um 25 prósent

Framlag íslenska ríkisins til Háskóla Íslands á næsta ári lækkar um 321,8 milljónir króna og skólagjöld verða hækkuð úr 60 þúsund krónum í 75 þúsund krónur í öllum ríkisreknum háskólum.

Hætt við stækkun FSU

Heildarfjárveiting íslenska ríkisins til framhaldsskóla á Íslandi lækkar um rúmlega 1,5 milljarð króna í fjárlögum síðasta árs. Þar af eru almennar launa- og verðlagsbreytingar 645 milljónir króna.

100 milljónir til hönnunar sjúkrahótels

Nýr Landspítali er ekki fyrirferðarmikill í nýju frumvarpi til fjárlaga. Til hans eru lagðar 100 milljónir króna til fullnaðarhönnunar á sjúkrahóteli.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.