Innlent

Heilbrigðisstofnanir á landsbyggðinni sameinaðar

Svavar Hávarðsson skrifar
Á Suðurlandi verða heilbrigðisstofnanirnar á Selfossi, Vestmannaeyjum og Höfn sameinar í eina.
Á Suðurlandi verða heilbrigðisstofnanirnar á Selfossi, Vestmannaeyjum og Höfn sameinar í eina.


Kristján Már Júlíusson heilbrigðisráðherra hefur ákveðið að heilbrigðisstofnanir á landsbyggðinni verði sameinaðar. Þetta kemur fram í frumvarpi til fjárlaga fyrir árið 2014.

Eftir sameiningu stofnana verður ein stofnun í hverju heilbrigðisumdæmi, eins og lög um heilbrigðisþjónustu gera ráð fyrir. Þetta á við um Norðurland, Suðurland og Vestfirði.

Markmiðið með þessum breytingum er að skapa sterkari rekstrar- og stjornunareiningar, enda er tilefnið að mæta aðhaldsmarkmiðum stjórnvalda. Við þessar breytingar fækkar ríkisforstjórum heilbrigðisstofnana um sex, er sérstaklega tekið fram í frumvarpinu.

Sameiningin skapar möguleika á samstarfi og samnýtingu, er mat stjórnvalda og ekki síður eiga sameiningarnar að tryggja öflugri og stöðugri mönnun og skapa sterkari rekstrar- og stjórnunareiningar. Þá er gert ráð fyrir hagræðingu í lyfjakaupum og sameiginlegum innkaupum. Eins er horft til þess að breyta þjónustustigi sérhæfðrar heilbrigðisþjónustu á tilteknum stofnunum á landsbyggðinni.

Þessi ákvörðun er ný af nálinni enda var ekki mögulegt að taka tillit til breytingarinnar í fjárlagafrumvarpinu. Við frágang frumvarpsins gafst ekki tími til að sameina fjárlagaliði heilbrigðisstofnana í samræmi við þessa aðgerð. Hins vegar verður sú framsetning verður löguð með breytingartillö0gum við aðra umræðu frumvarpsins á Alþingi.

Heilbrigðisráðherra hefur sent sveitarstjórnum bréf til að tilkynna þessi áform. Á Suðurlandi hefur verið tilkynnt um sameiningu Heilbrigðisstofnana Suðurlands, Vestmanneyja og Suðausturlands á Hornafirði, svo dæmi sé tekið um þær breytingar sem fyrirhugaðar eru.

Sunnlenska greindi frá efni ráðherrabréfsins í frétt á mánudag. Þar segir að meginávinningur sameiningar sé talinn verða „styrkari stjórn og aukið sjálfstæði stofnana, hagkvæmni og betri, öruggari og sveigjanlegri þjónusta við íbúana, ekki síst á jaðarbyggðum.“

Gert er ráð fyrir að með ráðstöfunum er tengjast sameiningu stofnana verði dregið úr útgjöldum í rekstri um 161 milljón króna.

Landinu skipt í sjö heilbrigðisumdæmi árið 2007 og samkvæmt lögum þar að lútandi getur ráðherra, að höfðu samráði við hlutaðeigandi sveitarfélög og Samband íslenskra sveitarfélaga, ákveðið að sameina heilbrigðisstofnanir innan hvers umdæmis með reglugerð.


Tengdar fréttir

Landspítalinn fær enga innspýtingu - fé til tækjakaupa skorið niður

Tímabundið 600 milljóna króna framlag til spítalans vegna tækjakaupa er fellt niður. Hagræðingarkrafa á spítalann felur í sér hækkun á sértekjum sem verður náð með nýju legugjaldi. Um er að ræða nýtt gjald þar sem sjúklingar greiða 1.200 krónur fyrir hvern sólarhring sem þeir dvelja á Landspítalanum. Með þessu nýja gjaldi er spítalanum reiknaðar um 200 milljónir í sértekjur.

Mikilvægt að stöðva skuldasöfnun ríkissjóðs

Bjarni Benediktsson fjármálaráðherra segir gríðarlega mikilvægt að stefna að hallalausum fjárlögum til að stöðva skuldasöfnun ríkissjóðs. Bankaskatturinn verður notaður til að lækka skatta á fyrirtæki og heimili.

Stefna á hallalaus fjárlög

Gert er ráð fyrir því að ríkissjóður skili tæplega 500 milljón króna afgangi á næsta ári miðað við fjárlagafrumvarp ríkisstjórnarinnar sem var kynnt í morgun. Þetta eru fyrstu hallalausu fjárlögin frá hruni.

Kaldar kveðjur í fjárlögum

Árni Páll Árnason formaður Samfylkingarinnar segir fjárlögin sýna forgangsröðun nýrrar ríkisstjórnar.

Barna- og vaxtabætur lækka

Samkvæmt fjárlagafrumvarpinu er áætlað að barnabætur á næsta ári verði 10.2 milljarðar króna en á í fjárlögum þessa árs voru þær tæpir 10.8 milljarðar króna.

Tóbak og áfengi hækka í verði

Tóbaksgjald og gjald á áfengi verður hækkað, samkvæmt lagabreytingu sem verður lögð fyrir Alþingi í næstu viku.

Milljónir í eflingu löggæslu

Gert er ráð fyrir 500 milljón króna viðvarandi framlagi til að efla löggæsluna í landinu. Á sama tíma er gert ráð fyrir að 200 milljón króna framlag sem veitt var tímabundið til löggæslumála í fjárlögum 2013 verði fellt niður.

Tekjuskattur lækkar

Skatthlutfallið í miðþrepi tekjuskatts verður lækkað um 0,8 prósentustig samkvæmt fjárlagafrumvarpi ríkisstjórnarinnar. Skatthlutfallið lækkar úr 25,8% í 25%.

Skólagjöld hækka um 25 prósent

Framlag íslenska ríkisins til Háskóla Íslands á næsta ári lækkar um 321,8 milljónir króna og skólagjöld verða hækkuð úr 60 þúsund krónum í 75 þúsund krónur í öllum ríkisreknum háskólum.

Hætt við stækkun FSU

Heildarfjárveiting íslenska ríkisins til framhaldsskóla á Íslandi lækkar um rúmlega 1,5 milljarð króna í fjárlögum síðasta árs. Þar af eru almennar launa- og verðlagsbreytingar 645 milljónir króna.

100 milljónir til hönnunar sjúkrahótels

Nýr Landspítali er ekki fyrirferðarmikill í nýju frumvarpi til fjárlaga. Til hans eru lagðar 100 milljónir króna til fullnaðarhönnunar á sjúkrahóteli.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.