Framlög til lista lækka um 346 milljónir

Boði Logason skrifar 1. október 2013 16:00

250 milljóna króna hækkun framlags, sem veitt var í síðustu fjárlögum, og var liður í svonefndri fjárfestingaáætlun fyrir árin 2013 til 2015, verður felld niður. Mynd/365

Framlög íslenska ríkisins til lista lækka um 346,6 milljónir króna á milli ára, að frátöldum launa- og verðlagshækkunum.

Þetta kemur fram í fjárlagafrumvarpinu sem dreift var á Alþingi í dag.

Í frumvarpinu segir að gert sé ráð fyrir að framlag til meðal annars Bókasafnssjóðs, Starfsemi áhugaleikfélaga og Barnamenningarsjóðs, verði lækkað um samtals 61,6 milljónir króna til að mæta markmiðum um aðhald í útgjaldaramma ráðuneytisins.

47 milljóna króna tímabundið framlag til Feneyjatvíæringsins í myndlist í ár, verkefnisins Tónlist fyrir alla, Íslensku óperunnar og Listahátíðar Reykjavíkur, fellur niður.

Þá verður lagt til að veitt verði 12 milljón króna tímabundið framlag í tvö ár vegna þátttöku Íslands í Fenyjatvíæringnum árið 2015.

Lang stærsti liðurinn í þessum flokki er stefna ríkisstjórnarinnar um að falla frá áformum um 250 milljóna króna hækkun framlags sem veitt var í síðustu fjárlögum, og var liður í svonefndri fjárfestingaáætlun fyrir árin 2013 til 2015.

Framlagið átti að skiptast á Útflutningssjóð íslenskrar tónlistar (20 milljónir), Myndlistasjóð (45 milljónir), Hönnunarsjóð (45 milljónir) Handverkssjóð(15 milljónir), Bókasafnssjóð höfunda (20 milljónir), Miðstöð íslenskra bókmennta (50 milljónir), Starfsemi atvinnuleikhópa (20 milljónir) og Tónlistarsjóð (35 milljónir).

Þá verða einnig Styrkir á sviði listgreina lækkaðir um 30 milljónir króna á milli ára, þannig að gert er ráð fyrir að 34,6 milljónir verði eftir til úthlutunar styrkjum.

Tengdar fréttir

Landspítalinn fær enga innspýtingu - fé til tækjakaupa skorið niður

Tímabundið 600 milljóna króna framlag til spítalans vegna tækjakaupa er fellt niður. Hagræðingarkrafa á spítalann felur í sér hækkun á sértekjum sem verður náð með nýju legugjaldi. Um er að ræða nýtt gjald þar sem sjúklingar greiða 1.200 krónur fyrir hvern sólarhring sem þeir dvelja á Landspítalanum. Með þessu nýja gjaldi er spítalanum reiknaðar um 200 milljónir í sértekjur.

1. október 2013 16:00

Framlög til Kvikmyndamiðstöðvar lækka um 400 milljónir króna

Kvikmyndamiðstöð Íslands fær 735 milljónir króna samkvæmt fjárlagafrumvarpinu en í fjárlögum þessa árs var upphæðin 1,1 milljarður króna.

1. október 2013 15:58

Stefna á hallalaus fjárlög

Gert er ráð fyrir því að ríkissjóður skili tæplega 500 milljón króna afgangi á næsta ári miðað við fjárlagafrumvarp ríkisstjórnarinnar sem var kynnt í morgun. Þetta eru fyrstu hallalausu fjárlögin frá hruni.

1. október 2013 16:00

Kaldar kveðjur í fjárlögum

Árni Páll Árnason formaður Samfylkingarinnar segir fjárlögin sýna forgangsröðun nýrrar ríkisstjórnar.

1. október 2013 16:33

Barna- og vaxtabætur lækka

Samkvæmt fjárlagafrumvarpinu er áætlað að barnabætur á næsta ári verði 10.2 milljarðar króna en á í fjárlögum þessa árs voru þær tæpir 10.8 milljarðar króna.

1. október 2013 16:00

Tóbak og áfengi hækka í verði

Tóbaksgjald og gjald á áfengi verður hækkað, samkvæmt lagabreytingu sem verður lögð fyrir Alþingi í næstu viku.

1. október 2013 16:00

Heilbrigðisstofnanir á landsbyggðinni sameinaðar

Kristján Már Júlíusson heilbrigðisráðherra hefur ákveðið að heilbrigðisstofnanir á landsbyggðinni verði sameinaðar. Þetta kemur fram í frumvarpi til fjárlaga fyrir árið 2014. Eftir sameiningu stofnana verður ein stofnun í hverju heilbrigðisumdæmi, eins og lög um heilbrigðisþjónustu gera ráð fyrir. Þetta á við um Norðurland, Suðurland og Vestfirði.

1. október 2013 16:00