Helmingur ófrískra kvenna í Noregi drakk áður en þær vissu af óléttu

Rúmur helmingur þungaðra kvenna í Noregi segist, í könnun sem landlæknisembættið þar í landi gerði nýlega, hafa neytt áfengis áður en þær uppgötvuðu að þær væru með barni. 17 prósent sögðust hafa orðið ölvaðar. Frá þessu segir í norskum fjölmiðlum í dag.

Þriðja hver kona svaraði því til að hún hefði áhyggjur af því að hafa drukkið áfengi í upphafi meðgöngu.

„Það er skiljanlegt að konur sem hafa drukkið áfengi snemma á meðgöngu hafi áhyggjur, en í langflestum tilfellum verður allt í lagi með barnið,“ segir Bjørn Guldvog, landlæknir í Noregi.

Heilbrigðisyfirvöld mæla engu að síður með því að þungaðar konur neiti alls ekki áfengis á meðan meðgöngu stendur.