Lúxus rafbíll alelda á svipstundu - 20 seldir á Íslandi

Hlutabréf í fyrirtækinu Tesla sem framleiðir lúxusrafbíla hrundi eftir að eldur kom upp í slíkri bifreið. Bifreiðin sem eldurinn kom upp í var af gerðinni Tesla S og varð bíllinn alelda eftir umferðaróhapp rétt við Seattle í Bandaríkjunum. Þetta kemur fram á vefsíðu Mirror.

Forsvarsmenn Tesla staðfesta að um hafi verið að ræða bifreið frá þeim en segja að þetta hafi gerst eftir að bifreiðin ók yfir mjög stóran hlut. Bifreiðin fékk hæstu einkunn á öryggisprófum í Bandaríkjunum.

Í Fréttablaðinu í dag kom fram að tuttugu eintök af Tesla S hefðu selt hér á landi. Fyrstu tvær bifreiðarnar voru afhentar í vikunni. Í fréttinni kemur fram að mikil umræða hafi verið um Tesla-bílana og að þeir hafi fengið gríðargóða dóma, bæði hér á landi og erlendis. Bifreiðin kemst upp í 100 kílómetra hraða á 4,2 sekúndum og dýrari útgáfurnar fara allt að 480 kílómetra á hleðslunni.

Í byrjun síðasta mánaðar bar bifreiðin sú söluhæsta í Noregi og allt að sex mánaða biðlistar eru eftir bifreiðunum í flestum löndum Evrópu.

Hér fyrir neðan má sjá myndband af því þegar bíllinn brann.