Skrímslatrukkasýning fór úr böndunum

Að minnsta kosti átta eru látnir og fjölmargir slasaðir eftir að trukkasýning fór úr böndunum í Mexíkó í gærkvöld.

Sýningin sem heitir Extreme Aeroshow var haldin í Chihuahua þar sem ökumenn risavaxinna trukka léku listir sínar fyrir áhorfendur. Ökumennirnir keyrðu meðal annars yfir fólksbíla en það var eftir eina slíka keyrslu sem einn ökumaðurinn missti stjórn á bíl sínum með þeim afleiðingum að hann brunaði beinustu leið inn í áhorfendastúkuna.

Að minnsta kosti eitt unga barn er á meðal hinna látnu en alger ringulreið braust út. Talið er að meira en áttatíu manns hafi slasast, margir mjög alvarlega.  

Hér fyrir neðan má sjá myndband af atvikinu.