Fimm og hálfur dagur á ári í að bíða eftir tölvunni

Meðalmanneskja eyðir meira en fimm og hálfum degi á ári að bíða eftir að netsíður hlaðist niður samkvæmt könnun sem birt er á Huffington Post í dag.

Könnunin var gerð á tölvunotendum í Bretlandi. Niðurstaðan var sú að hægar tölvur valda því að þriðjungur notenda fer í vont skap út daginn. Fimmtungur hefur tekið út reiði sína vegna tækjanna með ofbeldi til dæmis með því að henda því vegg eða traðka á því.

Samkvæmt könnuninni, sem breska fyrirtækið SanDisk framkvæmdi, eyddu breskir tölvunotendur meira en 130 klukkustundum á síðasta ári að bíða eftir því að netsíður, skjöl eða forrit, hlaðist niður. Með hefðbundna borð- eða fartölvu eyðir meðalnotandi allt að 12 mínútum í einu við að bíða eftir hleðslu efnis. Þá hafa hægar PC tölvur orðið ein af sjö mest stressandi upplifunum tölvunotenda í Bretlandi.