Berbrjósta mótmæltu fóstureyðingarfrumvarpi

Þrjár konur úr femínistasamtökunum Femen mótmæltu berbrjósta á þingpöllum neðri deildar spænska þingsins í morgun.

Ástæðan var frumvarp sem nú er til umfjöllunar þar sem gert er ráð fyrir því að herða lög um fóstureyðingar í landinu.

Konurnar sögðu að rétturinn til fóstureyðingar væri heilagur. Þær sátu og fylgdust með umræðunum, en þegar Albert Ruiz-Gallardon, dómsmálaráðherra landsins, tók til mál klæddu þær sig úr.

Tvær af konunum klifruðu upp á handrið, og önnur hélt fast utan um súlu þegar öryggisverðir reyndu að fjarlægja þær af þingpöllunum.

Nokkrir þingmenn stjórnarandstöðunnar klöppuðu fyrir konunum. 

Dómsmálaráðherrann freistar þess að koma frumvarpi um hertari lög um fóstureyðingar í landinu, en samkvæmt núgildandi lögum er leyfilegt að fara í fóstureyðingu fram að 14. viku.

Ráðherrann vill banna fóstureyðingar, en að þær verði leyfilegar í ákveðnum aðstæðum, til dæmis ef heilsa móður og fóstur er í hættu.