Farþegi lenti flugvél þegar flugmaðurinn lést

Flugkennarar í Bretlandi aðstoðuðu farþega í gegnum talstöð með að lenda flugvél eftir að flugmaðurinn hafði hnigið niður og dáið.

Flugvélin var að gerðinni Cessna 172 og sagði annar kennarinn sem leiðbeinti farþeganum að hann hefði unnið þrekvirki. Kennarinn sagði að án leiðbeininga hefði farþeginn bara farið í jörðina og þar með hefði þeirri sögu lokið. Aðalverkefni kennarans hafi verið að halda ró á farþeganum meðan hann fór yfir það með honum hvernig ætti að lenda vélinni.

Farþeginn er talinn hafa haft einhverja flugreynslu en hafði samt sem áður aldrei lent flugvél áður. Hann flaug fjórum sinnum yfir flugbrautina áður en hann lenti og mikil fagnaðarlæti brutust út í flugstjórnarturninum þegar flugvélin stöðvaðist á jörðu niðri.

Visit NBCNews.com for breaking news, world news, and news about the economy