Þriðja bílsprengjan á innan við viku

Tala látinna, eftir að bílasprengja sprakk á markaðstorgi í Pakistan, nánar tiltekið í bænum Peshawar, er komin upp í 42.

Þetta er þriðja sprengjuárásin á þessu svæði á innan við viku. Þetta er nú réttri viku eftir að 80 létust í sprengjuárás á svipuðum slóðum, sem gerð var á kirkju en hinir látnu eru kristnir.

Talsmaður sjúkrahúss á svæðinu segir að 107 séu alvarlega særðir. Meðal hinna lánu eru 15 meðlimir fjölskyldu sem hafði komið sérstaklega á markaðinn til að undirbúa brúðkaup.

Ofbeldi íslamskra öfagsinna hefur farið mjög vaxandi á undanförnum árum og er það talið til að grafa undan forsætisráðherranum Nawaz Sharif sem er að undibúa friðarviðræður við talibana.