Gengu í skrokk á ökumanni sem ók yfir vélhjól

Hópur vélhjólamanna í New York-borg réðst á ökumann Range Rover-bifreiðar eftir að hann ók yfir vélhjól eins úr hópnum.

Atvikið gerðist í gær en hópurinn elti ökumanninn, sem var í bíl sínum ásamt konu og barni, góðan spöl áður en þeim tókst að umkringja bílinn.

Myndband náðist af aðdraganda og upphafi árásarinnar en maðurinn, sem er á fertugsaldri, þurfti aðhlynningu á slysadeild eftir árásina.

Málið er í rannsókn en enginn hefur enn verið handtekinn. Talsmaður lögreglunnar hefur það eftir ökumanni bílsins að vélhjólamennirnir hefðu ekið ógætilega og að um óhapp hefði verið að ræða.