Hryðjuverk í Kenía

Að minnsta kosti 39 létu lífið og yfir 50 særðust þegar grímuklæddir byssumenn hófu skothríð og köstuðu handsprengjum í verslunarkjarna í höfuðborg Kenía, Nairóbí, í dag en frá þessu greinir á vef AFP.

Sjónarvottar segja mennina hafa komið inn í verslunarkjarnann vopnaðir AK-47 vélbyssum og skipað múslimum af yfirgefa staðinn. Þeir sem eftir voru og mennirnir töldu ekki vera múslima voru síðan skotnir.

Sómalski öfgahópurinn Al-Shabab hefur líst ábyrgð á ódæðinu með Twitter færslu, þar sem þeir segja að um hefnd sé að ræða vegna hernaðarafskipta Kenía í Sómalíu gegn Al-Shabab. Einnig sagði í færslunni að viðvaranir vegna hernaðarþáttöku Kenía í Sómalíu hefðu verð hunsaðar. Al-Shabab er íslamskur öfgahópur með tengsl við Al-Kaída en herinn í Sómalíu hefur barist við íslamska öfgahópa og hefur herinn í Kenía einnig tekið þátt í þeirri baráttu í Sómalíu.

Lögregla á vettvangi hefur sagt frá því að einn særður ódæðismaður hafi verið tekinn haldi og færður á spítala í fylgd vopnaðra varða. Lögreglan lýsir því svo að árásarmennirnir séu vel skipulagður hryðjuverkahópur og séu um tíu saman.

Forseti Kenía, Uhuru Kenyatta, hefur lýst fyrirlitningu á ódæðinu en hann segist sjálfur hafa misst náinn aðstandanda í árásinni. Verslunarmiðstöðinni er í eigu Ísraela en hún en þangað sækja vel stæðir íbúar Kenía. Um 1000 manns voru í verslunarmiðstöðinni þegar árásin hófst.

Samkvæmt nýjustu upplýsingum halda byssumennirnir nú gíslum inni í verslunarmiðstöðinni og hefur lögregla og her umkringt þá á einni hæð verslunarmiðstöðvarinnar og halda aðgerðir áfram þar. Óstaðfest er hve margir gíslar eru inni í verslunarmiðstöðinni en þeirra á meðal eru gestir og starfsfólk verslunarmiðstöðvarinnar.