Breaking Bad bestu þættirnir

Emmy-verðlaunahátíðin var haldin með pompi og prakt í Los Angeles í nótt. Það ætti ekki að þurfa að koma áhorfendum Stöðvar 2 á óvart en Breaking Bad-þættirnir voru valdir besta sjónvarpsefnið sem og Modern Family sem voru valdir bestu gamanþættirnir.

Hinn gamalreyndi Jeff Daníels var kjörinn besti karlleikarinn fyrir leik sinn í the Newsroom og best leikvenna þótti Claire Danes fyrir frammistöðu sína í Homeland. Besti leikstjórinn var kjörinn David Fincher fyrir þættina House of Cards.