Hjartnæm björgun kettlings

Myndband sem sýnir slökkviliðsmann bjarga ketti út úr brennandi húsi fer nú á milli manna á veraldarvefnum.

Það var í byrjun júlí síðastliðinn sem slökkviliðsmaðurinn Cory Kalanick var kallaður að brennandi húsi í Kaliforníu í Bandaríkjunum. Enginn reyndist vera í húsinu, en Kalanick fann dauðan kettling á gólfinu.

Hann kom kisa út, setti á hann súrefnisgrímu, skvetti yfir hann vatni og vaknaði hann þá til lífsins.

Kalanick var með GoPro myndavél á höfðinu á sér allan tímann og tók allt saman upp.

Þetta fallega myndband má sjá hér að neðan.