Morðóð fjölskylda handtekin í Rússlandi

Fjölskylda í Rússlandi hefur verið handtekin grunuð um 30 morð og talsverðan fjölda rána á síðastliðnum sex árum. Varla er hægt að finna nógu sterk lýsingarorð til að lýsa því hversu mikil grimmd var fólgin í morðum fjölskyldunnar sem fór langa vegu frá heimili sínu til að svala drápsþorsta sínum.

Inessa Tarverdiyeva, 46 ára, og eiginmaður hennar, Roman Podkopaev, 35 ára, þykja við fyrstu sín venjubundið heimilsfólk. Tarverdiyeva kennir hjúkrunarfræði og Podkopaev er lærður tannlæknir.

Dætur Tarverdiyeva, sem eru 25 og 13 ára, tóku þátt í flestum morðum fjölskyldunnar. Podkopaev lést þegar rússneska lögreglan náði loksins að handtaka fjölskylduna eftir skotbardaga. Eldri dóttirinn særðist einnig alvarlega. Sex lögreglumenn voru meðal fórnarlamba þessarar morðóðu fjölskyldu.

Tarverdiyeva lýsti í smáatriðum hvernig hún og fjölskylda sín tók fórnarlömb sín af lífi. Búast má við því að löng fangelsisvist bíði fjölskyldunnar. Meðal fórnarlamba var sjö ára drengur sem var skotinn í höfuðið. Tvær stúlkur á táningsaldri voru einnig myrtar með hrottafengri aðferð.