Kveikti í sjálfum sér eftir umsátursástand

Austurríkismaður, sem hafði skotið þrjá lögreglumenn og einn sjúkraliða til bana í gær, framdi sjálfsmorð á heimili sínu í gærkvöldi eftir að sérsveitarmenn höfðu setið um hús hans klukkutímum saman í gær.

Maðurinn, Alois Huber, var fimmtíu og fimm ára gamall kaupsýslumaður sem hafði fyrr um daginn verið staðinn að verki við veiðiþjófnað í nærliggjandi skógi. Hann skaut að lögreglumönnum þegar þeir hugðust ræða við hann og myrti tvo þeirra. Sjúkraliði féll síðan fyrir kúlu hans þegar hann reyndi að aðstoða lögreglumennina og þriðja lögreglumanninn tók veiðiþjófurinn í gísllingu og flúði við svo búið heim til sín á lögreglubíl. Þar myrti hann lögreglumanninn og læsti sig inni í húsi sínu.

Þegar sérsveitarmenn gerðu lokaáhlaup á húsið skaut hann á þá ítrekað en þegar þeir komust loks inn hafði hann framið sjálfsmorð og þá með því að kveikja í sjálfum sér.