Bestu samskiptin felast í því að gefa

Auglýsing frá tælensku farsímafyrirtæki hefur farið víða um netið síðustu dagana og fengið ansi marga til að fella tár.

Í auglýsingunni sýnir núðlusali litlum dreng góðmennsku sem hann fær launaða þrjátíu árum síðar.

Á einungis sex dögum hefur auglýsingin verið skoðuð sex milljón sinnum og fengið mikla umfjöllun. Slagorð auglýsingarinnar er Giving is the best communication eða Bestu samskiptin felast í því að gefa.

Jafnvel þótt engir farsímar sjáist í auglýsingunni og erfitt er að tengja hana fyrirtækinu hefur þessi hjartnæma auglýsing fært tælenska farsímafyrirtækinu heilmikla athygli um allan heim.