Manuel veldur mannskaða í Mexíkó

Hitabeltisstormurinn Manuel, sem hefur herjað á vesturströnd Mexíkó síðustu daga, hefur nú sótt í sig veðrið og náð styrk fellibyls. Áttatíu manns hafa farist í óveðrinu í landinu í vikunni en auk Manúel herjaði fellibylutinn Ingrid á austurströnd landsins.

Fimmtíu og átta er nú saknað eftir að gríðarleg aurskriða færði þorp eitt í vestuhluta landsins á kaf í nótt. Tugir þúsunda ferðamanna hafa verið fluttir á brott frá sumardvalarstaðnum Acapulco en enn er mikill fjöldi ferðamanna í borginni og hefst fólkið við á hótelum eða á alþjóðaflugvellinum í borginni. Veðrið sem gengið hefur yfir landið síðustu daga er það versta frá árinu 1958.