Bono úr U2 í jarðarför Heaney

Frægar rokkstjörnur, forseti Írlands og fleiri frægir gestir voru meðal þeirra eittþúsund manns sem mættu í jarðarför Nóbelsverðlaunahafans og rithöfundarins Seamus Heaney.

Jarðarförin fór fram í Dublin í dag að því er kemur fram í frétt The Guardian.

Heaney lést á sjúkrahúsi í Dublin í síðustu viku 74 ára að aldri. Seamus kom hingað til lands árið 2004 og samdi meðal annars ljóðið Höfn meðan hann dvaldi á Höfn í Hornafirði.

Meðal frægra rokkstjarna sem mættu í dag voru meðlimir hljómsveitarinnar U2, þeir Bono, the Edge, Adam Clayton og Larry Mullen.

Um Heaney féllu meðal annars eftirfarandi orð: „Hann var mikill jafnaðarmaður sem gat blandað geði jafnt við konungsborið fólk, forseta og venjulegt fólk. Hans yrði sárt saknað af hans nánustu sem hefðu misst mikið.