Thorning segir Dönum skylt að styðja aðgerðir gegn Sýrlandsstjórn

Dönum ber skylda til þess að styðja hernaðaraðgerðir gegn Assad Sýrlandsforsta og stjórnarhers hans, að sögn Helle Thorning-Schmidt forsætisráðherra. Thorning mun hitta Obama Bandaríkjaforseta í Stokkhólmi á morgun, en í samtali við fréttafólk í dag sagði hún að hafið sé yfir vafa að Assad hafi beitt efnavopnum gegn eigin þjóð og Danmörk geti ekki“ horft framhjá því og látið eins og ekkert sé“.

„Best væri ef Öryggisráð Sameinuðu þjóðanna myndi bregðast við,en af pólitískum sökum mun það ekki gerast. Þess vegna ber okkur skilda til þess að bregðast við, óháð ákvörðun Öryggisráðsins því að það er skylda okkar að vernda almenning í Sýrlandi gegn þeirra eigin þjóðhöfðingja, sem beitir eiturgasi gegn þeim.“

Thorning gekk þó ekki svo langt að taka afstöðu til þess hvort danski herinn yrði meðal þátttakenda í aðgerðum. En hét fullum mórölskum og pólitískum stuðningi við hugsanlegar aðgerðir þar sem Bandaríkin og Frakkland yrðu að öllum líkindum í fararbroddi.