Erlent

65 kíló af heróíni haldlögð í Ermasundsgöngunum

Haukur Viðar Alfreðsson skrifar
Efnunum hafði verið komið fyrir inni í suðukatli í sendiferðabíl.
Efnunum hafði verið komið fyrir inni í suðukatli í sendiferðabíl.
Frönsk tollayfirvöld lögðu hald á 65 kíló af heróíni í sendiferðabíl á leið um Ermasundsgöngin í síðustu viku. Um var að ræða 120 pakkningar sem eru sagðar meira en 400 milljón króna virði á götunni og hafði þeim verið komið fyrir inni í suðukatli í sendiferðabílnum.

Bíllinn, sem er skráður í Hollandi, var stöðvaður Frakklandsmegin þegar átti að setja hann um borð í lest. Hollenskt par um fimmtugt hefur verið ákært vegna málsins.

Magn efnanna er sagt um fjórðungur af heildarmagni heróíns sem voru haldlögð í Frakklandi í fyrra.

Mest lesið


Fleiri fréttir

Sjá meira


×

Mest lesið