Obama fær stuðning frá lykilmönnum

Barack Obama, forseti Bandaríkjanna, hefur fengið stuðning frá lykilmönnum innan Repúblikannaflokksins. Obama segir nauðsynlegt að beita hernaðarlegri íhlutun í Sýrlandi eftir að efnavopnum var beitt af her landsins, undir stjórn Bashar al-Assad, forseta Sýrlands, á saklausa borgara.

John Boehner og Eric Cantor, sem taldir eru áhrifamiklir innan Repúblikannaflokksins, hafa báðir lýst yfir stuðningi við tillögu Obama. Öldungadeildin mun kjósa um það í næstu viku hvort ráðist verður inn í Sýrland.

Boeher hefur hvatt kollega sína í Repúblikannaflokknum að samþykkja frumvarpið og telur að Bandaríkjaher geti náð að brjóta stjórn Asshad á bak aftur. Demókrataflokkurinn, sem Obama tilheyrir, er með nauman meirihluta í bandarísku öldungadeildinni.