Pútín vill fá sannanir

Pútín Rússlandsforseti varaði í gærkvöldi Bandaríkin og samherja þeirra við því að taka einhliða ákvörðun í málefnum Sýrlands.

Pútin sagði að öll hernaðaríhlutun vesturveldanna á svæðinu án samþykkis Sameinuðu þjóðanna yrði tekin óstinnt upp af Rússum og fleiri þjóðum.

Pútín sagðist ekki útiloka að Rússar myndu samþykkja íhlutun í landinu, ef í ljós kæmu óyggjandi sannanir fyrir því að Assad forseti og menn hans hefðu fyrirskipað eiturvopnaárás í úthverfi Damaskus á dögunum. Slíkar sannanir liggi hinsvegar ekki fyrir og hvetur Rússlandsforseti menn til að greina frá sönnunum fyrir slíku, liggi þær á annað borð fyrir.