Öngþveiti í Caracas

Víðtækt rafmagnsleysi herjar nú á íbúa Venesúela en um sjötíu prósent landsins eru án rafmagns og þar á meðal er stór hluti höfuðborgarinnar Caracas.

Gríðarlegt umferðaröngþveiti skapaðist í borginni þegar öllum götuvitum sló út og þá fór neðanjarðarlestarkerfi borgarinnar úr skorðum. Þúsundir verkamanna voru sendir heim frá vinnu sinni og tilraunir til að koma rafmagninu á að nýju hafa gengið heldur brösuglega.

Forseti landsins, Nicolas Maduro, kennir stjórnarandstöðu landsins um rafmagnsleysið og segir hann að skemmdarverk hafi verið unnin á flutningslínum.