Réðst á starfsmenn McDonalds - Fékk ekki kjúklinganagga

Bandarísk kona fékk 60 daga fangelsisdóm fyrir að kýla tvo starfsmenn McDonalds og brjóta rúðu á bílalúgu veitingastaðarins. Konan reiddist mjög þegar annar starfsmaðurinn neitaði að selja henni McNuggets kjúklinganagga.

Árásin átti sér i janúar 2010 og var konan dæmd í kjölfarið eins fram kemur í frétt Daily Mail.

Árásin átti sér stað klukkan hálf sjö að morgni dags og starfsmaðurinn sagði konunni að staðurinn seldi ekki kjúklinganagga svo snemma dags.

Eins og sjá má á myndbandinu hér fyrir neðan reiddist konan óskaplega og neitaði að trúa starfsmanninum. Hún óð út úr bílnum sínum og kýldi starfsmanninn og annan starfsmann sem kom til aðstoðar.

Þegar McDonalds starfsmennirnir náðu að loka glugganum sótti konan áhald í bílinn sinn og braut rúðu staðarins.

Konan heldur því fram að hún hafi verð mjög drukkin þegar hún réðst á mennina. Hún hefur ásamt fangelsisrefsingu verið gert að greiða McDonalds bætur vega rúðunnar.

Þrátt fyrir að árásin hafi átt sér stað árið 2010 þá er myndbandið af árásinni fyrst að slá í gegn núna en yfir 12 milljónir manna hafa horft á myndiðbandið á síðunni youtube.com