Breskir læknar komust upp með kynjavaldar fóstureyðingar

Tveir breskir læknar sem samþykktu ólöglegar fóstureyðingar verða ekki ákærðir, þrátt fyrir að saksóknarar hafi haft nægileg sönnunargögn til að draga þá fyrir rétt.

Báðir læknarnir voru teknir uppá myndband af blaðamönnum Telegraph þegar þeir samþykktu fóstureyðingu hjá konu sem vildi frekar eignast strák en stelpu. 

Annar læknanna segir í viðtalinu að starf sitt sé ekki að spyrja spurninga. Ef konur velji að fara í fóstureyðingu þá sé ekki hægt að koma í veg fyrir það.

Í öðru viðtali samþykkir hinn læknirinn aðgerðina jafnvel þótt hann hafi sagt við konuna: „Þetta er eins og kvenkyns barnsmorð, er það ekki?“

Saksóknarar voru ásakaðir um að hafa dregið lappirnar í málinu. Þeir viðurkenndu eftir 19 mánaða rannsókn að til væru næg sönnungargögn til að réttlæta ákæru.

Forstöðumaður Kristilegrar lögfræði miðstöðvar (e. Christian Legal Center) segist trúa á réttarríkið og að ekki sé hægt að láta velja kyn þrátt fyrir að fólk sé með séróskir þess efnis.

Þetta vandamál hafi átt sér stað í Kína og Indlandi, þar sem fólk vill oft freka stráka af menningarlegum eða efnahagslegum ástæðum. 

Heilbrigðisráðherra Bretlands tók fyrir málið á miðvikudaginn með dómsmálaráðherra. Hann segir kynjaval fóstureyðinga ganga gegn lögum.

Nýleg rannsókn á fæðingum, sem var gerð af bresku ríkistjórninni, gefur til kynna að kynjaval eigi sér stað í landinu.

Hér fyrir neðan má sjá myndböndin af þessum umræddu viðtölum sem að The Telegraph gerði.