Fékk leikfangaþyrlu í höfuðið og lést

Táningur lét lífið í almenningsgarði í Brooklyn í New York eftir að hann fékk fjarstýrða þyrlu í höfuðið sem hann stýrði sjálfur. Hinn 19 ára gamli Roman Pirozek var að stýra leikfangaþyrlu með fjarstýringu með fyrrgreindum afleiðingum.

Talið er að pilturinn hafi misst stjórn á þyrlunni og að þyrluspaðarnir hafi hæft hann, bæði í háls og höfuð, með þeim afleiðingum að hann lét lífið. Þetta er annað dauðsfallið sem verður vegna notkunar á leikfangaþyrlu í Bandaríkjunum.