Dönum létt - Verkfalli starfsmanna Carlsberg aflétt

Stafsmenn Carlsberg bruggverksmiðjunnar í Fredericia á Jótlandi hafa snúið aftur til starfa eftir að hafa verið í verkfalli í níu daga. Verkfallið skall á eftir að 130 starfsmenn mótmæltu því að starfsmenn, sem ekki væru í verkalýðsfélagi, störfuðu í verksmiðjunni.

Verkfallið varð til þess að varabirgðir Carlsberg í Danmörku kláruðust. Carlsberg var viðbúið því að þurfa að flytja inn birgðir af bjór og gosdrykkjum frá nágrannalöndum til að svala Dönum þorstann.

Carlsberg hótaði í gær að reka þá 130 starfsmenn sem höfðu lagt niður störf. Við það virðist sem að starfsmenn hafi gefið eftir og snéru aftur til starfa í morgun.