Látinn laus eftir fimm mánuði í Sýrlandi

Ítalski blaðamaðurinn Domenico Quirico sem var rænt í Sýrlandi síðastliðinn apríl, hefur verið látinn laus, samkvæmt ítalska utanríkisráðuneytinu.

Þetta kemur fram á fréttamiðlinum Reuters.

Samkvæmt ítalska dagblaðinu La Stampa er blaðamaðurinn, sem vann einmitt hjá blaðinu og var sendur út á þeirra vegum, á leiðinni heim með flugvél frá Sýrlandi.

Domenico Quirico hefur í mörg ár verið fréttaritari fyrir La Stampa. Hann fór til Sýrlands 6. apríl síðastliðinn en fjórum dögum síðar hvarf hann.

Konan hans fékk símtal frá honum í júní þar sem hann sagðist hafa verið rænt en að hann

hefði það gott.

Ekki er enn vitað hverjir rændu ítalska blaðamanninum.